lock search attention facebook home linkedin twittter

Sérfræð­ingur á sviði umhverf­is­mats

Skipulagsstofnun óskar eftir að ráða sérfræðing á sviði umhverfismats sem er eitt fjögurra fagsviða á Skipulagsstofnun.

Helstu verkefni þess er mat á umhverfisáhrifum framkvæmda og umhverfismat áætlana.

Leitað er að einstaklingi sem hefur áhuga á að takast á við fjölbreytt verkefni og getu til að leysa verk á eigin spýtur og í samstarfi við aðra.

Laun eru samkvæmt kjarasamningi ríkisins og hlutaðeigandi stéttarfélags.

 

Starfssvið

  • Vinna að ákvörðunum og umsögnum stofnunarinnar um mat á umhverfisáhrifum framkvæmda og umhverfismat áætlana.
  • Ráðgjöf og samskipti við framkvæmdaraðila, forsvarsaðila áætlanagerðar, ráðgjafa og almenning.
  • Þátttaka í öðrum verkefnum, svo sem kynningar- og leiðbeiningarstarfi, þróun verklags og stefnumótun.

Umsókn

  • 1 Opið fyrir umsóknir
  • 2 Umsóknarfrestur liðinn
  • 3 Mat umsókna í gangi
  • 4 Viðtöl hafin
  • 5 Ráðningu lokið

Umsókn um starfið þarf að fylgja ítarleg starfsferlisskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsóknarfrestur er til og með 28. janúar 2019

Menntunar- og hæfniskröfur

  • Meistaragráða á sviði umhverfismats, svo sem sérmenntun í umhverfismati, umhverfisfræði, skipulagsfræði eða verkfræði.
  • Þekking eða reynsla sem nýtist í starfi er æskileg, svo sem við umhverfismat opinbera stjórnsýslu.
  • Hæfni til að hagnýta þekkingu og reynslu í ólíkum verkefnum og metnaður til að ná árangri.
  • Frumkvæði og færni í mannlegum samskiptum.
  • Gott vald á íslensku í ræðu og riti.
  • Nákvæmni og ögun í vinnubrögðum.

Skipulagsstofnun sinnir stefnumótun, stjórnsýslu og leiðbeiningum um skipulag og framkvæmdir með sjálfbæra nýtingu auðlinda og vandaða byggð að leiðarljósi. Stofnunin vinnur í víðtæku samráði við sveitarfélög, önnur stjórnvöld og hagsmunaaðila. Skipulagsstofnun starfar á grundvelli skipulagslaga, laga um mat á umhverfisáhrifum og laga um umhverfismat áætlana og heyrir undir umhverfis- og auðlindaráðuneytið.