lock search attention facebook home linkedin twittter

Forstöðu­maður tölvu­mála

Gildi-lífeyrissjóður óskar eftir að ráða öflugan einstakling til að veita forstöðu sviði sem sér um rekstur og uppbyggingu tölvukerfa sjóðsins.

Um er að ræða ögrandi starf sem heyrir beint undir framkvæmdastjóra. Megináhersla sviðsins er að reka upplýsingakerfi sjóðsins, þróa þau og efla en forstöðumaður tölvumála ber m.a. ábyrgð á innleiðingu og rekstri tölvu- og öryggiskerfa sem og tækjakaupum.

Lykileiginleikar viðkomandi eru leiðtogahæfileikar og góð samskiptahæfni, hæfni til að leiðbeina og stýra verkefnum sem og frumkvæði og metnaður til að ná árangri.

Starfssvið

  • Stjórnun og daglegur rekstur tölvudeildar.
  • Uppbygging og þróun á upplýsingatæknisviði.
  • Uppbygging og rekstur gagnagrunna.
  • Uppbygging á gagnavinnslu- og skýrsluskilakerfum.
  • Innleiðing nýrra stafrænna lausna.
  • Þátttaka í stefnumótun og framtíðarsýn sjóðsins.
  • Önnur tilfallandi verkefni.

Menntunar- og hæfniskröfur

  • Viðeigandi háskólamenntun, t.d. á sviði tölvunarfræði eða verkfræði.
  • Reynsla af rekstri í upplýsingatækni.
  • Reynsla af samningagerð.
  • Þekking á öryggismálum skilyrði, reynsla af stjórnkerfi upplýsingaöryggiskerfis mikill kostur.
  • Reynsla af verkefnastjórnun í hugbúnaðargerð kostur.
  • Góð þekking á helstu fjármála- og lánakerfum kostur.
  • Mjög gott vald á íslensku og ensku og færni til að tjá sig í ræðu og riti.

Fyrirtækið / stofnunin

Gildi–lífeyrissjóður er þriðji stærsti lífeyrissjóður landsins með um 23 þúsund lífeyrisþega, 45 þúsund greiðandi sjóðfélaga og yfir 230 þúsund einstaklingar
eiga réttindi hjá sjóðnum. Eignir sjóðsins nema um 640 milljörðum króna. Sjóðurinn rekur bæði samtryggingardeild og séreignardeild. Hjá sjóðnum
starfa 40 starfsmenn.

Gildi leggur áherslu á jafnrétti og eru konur jafnt sem karlar hvött til að sækja um. Gildi hefur sett sér stefnu í starfsmanna- og jafnlaunamálum og hefur hlotið jafnlaunavottun.

Umsókn

  • 1 Opið fyrir umsóknir
  • 3 Mat umsókna í gangi
  • 5 Ráðningu lokið

Umsóknarfrestur er liðinn og nú stendur yfir mat umsókna áður en viðtöl hefjast. Haft verður samband við alla umsækjendur.