lock search attention facebook home linkedin twittter

Ráðn­ingar sérfræð­inga og stjórn­enda

Sérfræðingar Capacent hafa mikla reynslu af ráðningum í sérfræði- og stjórnunarstörf. Með faglegum aðferðum við öflun umsækjenda og mat og val á milli umsækjenda aukast verulega líkurnar á að finna rétta einstaklinginn í starfið.

Sérstaða Capacent í ráðningum liggur í mikilli reynslu ráðgjafa Capacent, þekkingu á íslenskum vinnumarkaði og færni í að beita faglegum aðferðum við öll skref ráðningaferlisins. Þá hefur Capacent yfir að ráða gagnabanka þar sem skráðir eru fjölmargir einstaklingar sem ekki eru í virkri atvinnuleit en eru tilbúnir að skoða áhugaverð tækifæri.

Capacent er jafnframt í samstarfi við CEB/SHL sem er stærsta prófafyrirtæki í heimi, en í gegnum þetta samstarf hefur Capacent aðgang að getu- og persónuleikaprófum sem henta vel við ráðningar stjórnenda og sérfræðinga. Sjá nánar hér.

Þjónusta Capacent er heildstæð og felur í sér aðstoð allt frá skilgreiningu starfsins til ráðningasamnings. Hefðbundið ráðningarferli felur í sér eftirfarandi þætti:

  • Skilgreiningu starfs með fyrirtæki, þ.e. hvað felur starfið í sér,hvaða reynsla og þekking er nauð­synleg og/eða æskileg og hvaða persónu­legu eigin­leikum nýr starfs­maður þarf að búa yfir. Ráðgjafar Capacent geta rýnt þarfir fyrirtækisins og leiðbeint út frá reynslu og innsýn í markaðinn.
  • Öflun umsækjenda í gegnum auglýsingu á viðeigandi stöðum eða leit í gagnabanka okkar og tengslaneti.
  • Mat á umsækjendum í samræmi við starfsgreiningu. Í því getur falist stöðluð viðtöl, umsagnaleit, hæfnipróf og persónuleikapróf. Við mat á umsækjendum er stuðst við viðurkenndar aðferðir sem veita hámarks forspá um frammistöðu í starfi. Ráðgjafar Capacent ráðleggja með viðeigandi matsaðferðir hverju sinni.
  • Capacent annast öll samskipti við umsækjendur og svara þeim að ferli loknu.

Ef þess er óskað er einnig aðstoðað við gerð ráðningarsamninga og áætlanir um starfsþjálfun og móttöku hins nýja starfsmanns.

Ekki hika við að hafa samband og við finnum réttu lausnina fyrir þig og þitt fyrirtæki.