lock search attention facebook home linkedin twittter

Fram­kvæmda­stjóri þjón­ustu­skrif­stofu

Þjónustuskrifstofa SIGL óskar eftir að ráða framkvæmdastjóra til starfa.

Um er að ræða fjölbreytt og krefjandi starf sem reynir á frumkvæði og ríka samskiptahæfni. Hlutverk SIGL er m.a. að þjónusta fjögur fagstéttarfélög og gæta hagsmuna þeirra og félagsmanna.

Framkvæmdastjóri heyrir undir stjórn SIGL og ber ábyrgð á þjónustuskrifstofu félaganna. Viðkomandi starfar náið með formönnum aðildarfélaganna að markmiðum SIGL og ber ábyrgð á að starfsemi þess sé í samræmi við lög aðildarfélaganna.

 

Starfssvið

  • Daglegur rekstur skrifstofu.
  • Bókhald og fjármál.
  • Þjónusta og upplýsingagjöf til félagsmanna.
  • Móttaka og meðhöndlun gagna.
  • Úrvinnsla umsókna og yfirumsjón með félagatali.
  • Undirbúningur funda og gagnaöflun.
  • Ýmis tilfallandi verkefni og samskipti fyrir hönd aðildarfélaganna.

Umsókn

  • 1 Opið fyrir umsóknir
  • 2 Umsóknarfrestur liðinn
  • 3 Mat umsókna í gangi
  • 4 Viðtöl hafin
  • 5 Ráðningu lokið

Umsóknarfrestur er liðinn og nú stendur yfir mat umsókna áður en viðtöl hefjast. Haft verður samband við alla umsækjendur.

Menntunar- og hæfniskröfur

  • Háskólamenntun eða önnur menntun sem nýtist í starfið.
  • Þekking og reynsla af fjármálatengdum störfum.
  • Góð alhliða reynsla af skrifstofustörfum.
  • Þekking á DK kerfinu er kostur.
  • Góð tölvukunnátta og þekking á samfélagsmiðlum.
  • Hæfni í mannlegum samskiptum og þjónustulund.
  • Frumkvæði og skipulagshæfni.
  • Gott vald á íslensku og ensku.
  • Reynsla af störfum félagasamtaka er kostur.

Þjónustuskrifstofa SIGL er þjónustueining fyrir 4 fagstéttarfélög háskólamenntaðra heilbrigðisstétta, Félag sjúkraþjálfara, Iðjuþjálfafélag Íslands, Félag geislafræðinga og Félag lífeindafræðinga, sem heldur utan um daglegan rekstur félaganna. Samtals eru félagsmenn nálægt 1500.