lock search attention facebook home linkedin twittter

Vakt­stjóri

Ert þú leiðtogi? Langar þig að leiða áfram ungan og ferskan hóp fólks til góðra starfa?

Smára- og Háskólabíó leita eftir metnaðarfullum leiðtoga með getu til að efla og viðhalda liðsheild. Vaktstjóri ber ábyrgð á að hópurinn starfi í takt við þau þjónustuviðmið sem bíóhúsin setja sér, bæði hvað varðar ásýnd og framkomu. Vaktstjóri gengur fram með góðu fordæmi, þjálfar nýja starfsmenn og leiðbeinir öðrum eftir þörfum. Við leitum að aðila sem kann vel við að leiða ferskan hóp, þjálfa óreynda aðila og hefur metnað til að sýna hvað í honum býr.

Unnið er á vöktum sem flestar hefjast um miðjan dag og lýkur þegar síðustu sýningu er lokið. Gott er að viðkomandi geti hafið störf sem fyrst.

Starfssvið

  • Yfirumsjón og ábyrgð á daglegum verkefnum vaktarinnar.
  • Skipulagning vakta og verkaskipting milli starfsmanna.
  • Yfirumsjón með bíósvæði og veitingasölu.
  • Yfirumsjón með leiktækjasal, barnagæslu og skipulagi á móttöku hópa.
  • Tryggir gæði þeirra verka sem unnin eru á vaktinni.
  • Samskipti við viðskiptavini og úrlausn flóknari mála.
  • Þjálfun og tilsögn starfsfólks.
  • Uppgjör.
  • Byggja upp liðheild þar sem markmiðið er að mæta ávallt þeim þjónustuviðmiðum sem bíóhúsin setja sér.
  • Önnur tilfallandi verkefni.

Umsókn

  • 1 Opið fyrir umsóknir
  • 2 Umsóknarfrestur liðinn
  • 3 Mat umsókna í gangi
  • 4 Viðtöl hafin
  • 5 Ráðningu lokið

Umsóknarfrestur er liðinn og nú stendur yfir mat umsókna áður en viðtöl hefjast. Haft verður samband við alla umsækjendur.

Menntunar- og hæfniskröfur

  • Leiðtogahæfni og brennandi áhugi á að leiða hóp.
  • Stjórnunarreynsla er kostur.
  • Skipulagshæfni og geta til að halda góðri yfirsýn.
  • Ábyrgðartilfinning.
  • Teymishugsun og geta til að virkja ólíka einstaklinga til verka.
  • Frumkvæði og lausnamiðuð hugsun.
  • Framúrskarandi samskiptahæfileikar og geta til að leiðbeina öðrum.
  • Dugnaður, góð tímastjórnun og víðsýni.
  • Kunnátta á Office pakkann æskileg.

Sena rekur kvikmyndahús á þremur stöðum þar á meðal Smárabíó og Háskólabíó.

Smárabíó er vinsælasta kvikmyndahús landsins og rúmar um 1.000 manns í sæti, með hágæða Laser varpa í hverjum sal og bestu hljóðkerfi sem völ er á. Takmark þess er skýrt; að bjóða gestum upp á hámarksgæði í öllum sölum. Við erum með mestu myndgæðin, mestu hljóðgæðin, stór sýningartjöld og öll sæti eru með gott útsýni. Smárabíó leitast við það á hverjum degi að vera kvikmyndahús á heimsmælikvarða.

Háskólabíó þykir okkur einnig mjög vænt um, enda er það heimili íslenskra kvikmynda. Háskólabíó hefur ríka sögu og mikla sál. Gestir upplifa einstakt andrúmsloftið og njóta þess fram í fingurgóma að horfa á góðar kvikmyndir í Háskólabíói.