lock search attention facebook home linkedin twittter

Viltu skapa verð­mæti?

Matís leitar að öflugum sérfræðingi í Vestmannaeyjum.

Matís ohf. leitar að sérfræðingi til starfa í Vestmannaeyjum. Starfið felur í sér vinnu við rannsóknar- og þróunarverkefni á starfssviði Matís. Þessi ráðning er í samræmi við stefnu Atvinnuvega- og nýsköpunarráðuneytis um eflingu starfsemi á landsbyggðinni. Um fullt starf er að ræða.

Starfssvið

  • Efla samstarf Matís við atvinnulíf á svæði tækni og nýsköpunar.
  • Afla verkefna á sviði Matís í samvinnu við fyrirtæki á svæðinu.
  • Setja upp og stýra rannsóknar- og þróunarverkefnum.

Menntunar- og hæfniskröfur

  • Starfsreynsla og þekking á sjávarútvegi og/eða matvælaframleiðslu.
  • Háskólagráða sem nýtist í starfi - framhaldsmenntun er kostur.
  • Frumkvæði og sjálfstæði í vinnubrögðum.
  • Framúrskarandi hæfni í mannlegum samskiptum og tengslamyndun.
  • Færni til að tjá sig í ræðu og riti á íslensku og ensku.

Fyrirtækið / stofnunin

Matís styður viðskiptavini sína til aukinnar verðmætasköpunar, matvælaöryggis og lýðheilsu.
Matís er þekkingar- og vísindasamfélag sem byggir á sterkum rannsóknainnviðum og samstarfi, með það að markmiði að hámarka áhrif fjárfestinga í rannsóknum og nýsköpun.

Umsókn

  • 1 Opið fyrir umsóknir
  • 3 Mat umsókna í gangi
  • 5 Ráðningu lokið

Umsókn um starfið þarf að fylgja ítarleg starfsferlisskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsóknarfrestur er til og með 17. febrúar 2020