lock search attention facebook home linkedin twittter

Lögfræð­ingur í kjara- og vinnu­rétt­ar­málum

Kjara- og mannauðssýsla ríkisins leitar að metnaðarfullum og úrræðagóðum lögfræðingi.

KMR er miðstöð kjara- og mannauðsmála hjá ríkinu og ber ábyrgð á stefnumótun og framþróun málaflokksins. Einingin kappkostar að veita ráðuneytum og stofnunum vandaða ráðgjöf og stuðning í þessum efnum.

Dagleg verkefni eru fjölbreytt og spanna öll svið vinnumarkaðs- og mannauðsmála, svo sem lögfræðilegar umsagnir, ráðgjöf um framkvæmd kjarasamninga og starfsmannamála, miðlun upplýsinga, fræðsla og virk þátttaka í þróun og innleiðingu nýrra starfsaðferða. Lögfræðingurinn sem við leitum eftir þarf að hafa áhuga á vinnumarkaðsmálum og starfsumhverfi hins opinbera.

Til að ná góðum árangri í starfinu þarf sérfræðingurinn að vera með góða greiningargetu, vera útsjónarsamur og eiga auðvelt með samskipti.

Æskilegt er að viðkomandi hefji störf sem fyrst.

Nánari upplýsingar veita Auður Bjarnadóttir hjá Capacent ráðningum og Aldís Stefánsdóttir (aldis@fjr.is) hjá fjármála- og efnahagsráðuneytinu.

Umsókn

  • 1 Opið fyrir umsóknir
  • 2 Umsóknarfrestur liðinn
  • 3 Mat umsókna í gangi
  • 4 Viðtöl hafin
  • 5 Ráðningu lokið

Umsókn um starfið þarf að fylgja ítarleg starfsferlisskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsóknarfrestur er til og með 7. janúar 2019

Menntunar- og hæfniskröfur

  • Meistara- eða embættispróf í lögfræði er skilyrði.
  • Áhugi og þekking á sviði vinnuréttar og kjaramála.
  • Reynsla af opinberri stjórnsýslu er kostur og áhugi skilyrði.
  • Rík samskiptahæfni og uppbyggilegt viðmót.
  • Sjálfstæði í vinnubrögðum og hæfni til að vinna í teymi.
  • Lausnamiðuð og gagnrýnin hugsun.
  • Mjög góð íslensku- og enskukunnátta í ræðu og riti er skilyrði.

Kjara- og mannauðssýsla er sérstök starfseining innan fjármála- og efnahagsráðuneytisins. Á KMR eru 14 metnaðarfullir sérfræðingar með mikla reynslu af vinnumarkaðsmálum. Framundan eru krefjandi verkefni á vettvangi kjaramála, í málefnum stjórnenda og stefnumótun mannauðsmála ríkisins. Verkefnin fela í sér mikil tækifæri fyrir dugmikla manneskju.