lock search attention facebook home linkedin twittter

Fjár­mála- og skrif­stofu­stjóri

Bolungarvíkurkaupstaður óskar eftir að ráða metnaðarfullan einstakling í starf fjármála- og skrifstofustjóra.

Starfið er mjög margþætt og krefst því góðrar færni á ýmsum sviðum. Fjármála- og skrifstofustjóri er yfirmaður á bæjarskrifstofu ásamt því að stýra fjármálum sveitarfélagsins.

Starfssvið

  • Fagleg forysta og verkstjórn á daglegum verkefnum bæjarskrifstofu.
  • Ábyrgð á daglegri umsýslu fjármála og bókhalds.
  • Umsjón með fjárhagsáætlanagerð, frávikagreiningum og kostnaðareftirliti.
  • Ábyrgð á gerð rekstrar- og fjárhagsáætlana.
  • Fjárhagslegar úttektir og greiningar.
  • Eftirfylgni með framgangi rekstrar- og fjárhagsáætlana.
  • Þátttaka í stefnumótun og nýsköpun á sviði fjármála og fjárreiða.
  • Aðstoð við samningagerð og önnur fjármálatengd verkefni.
  • Samskipti við forstöðumenn og íbúa vegna erinda er snúa að fjármálum og annarri þjónustu bæjarfélagins.

Umsókn

  • 1 Opið fyrir umsóknir
  • 2 Umsóknarfrestur liðinn
  • 3 Mat umsókna í gangi
  • 4 Viðtöl hafin
  • 5 Ráðningu lokið

Umsóknarfrestur er liðinn og nú stendur yfir mat umsókna áður en viðtöl hefjast. Haft verður samband við alla umsækjendur.

Menntunar- og hæfniskröfur

  • Háskólamenntun sem nýtist í starfi skilyrði.
  • Haldgóð reynsla af sambærilegu starfi.
  • Mjög góð þekking á reikningshaldi, uppgjörum og áætlanagerð.
  • Þekking á málefnum sveitarfélaga kostur.
  • Góð tölvukunnátta skilyrði.
  • Góð kunnátta í íslensku og ensku og geta til að tjá sig í ræðu og riti.
  • Leiðtogahæfileikar og drifkraftur í starfi.
  • Mikil hæfni í mannlegum samskiptum og góð félagsleg færni.
  • Samviskusemi og nákvæmni í starfi.

Bolungarvík er rúmlega 900 manna bæjarfélag. Þar er góður grunnskóli, leikskóli og tónlistarskóli, íþróttahús og sundlaug. Frábær aðstaða fyrir menningarviðburði, nýtt hjúkrunarheimili, ný félagsmiðstöð fyrir unglinga, íbúðir fyrir aldraða og stutt í alla þjónustu. Á næstu árum standa svo fyrir dyrum ýmsar framkvæmdir í bænum. Talsverður vöxtur hefur verið í atvinnulífinu  á undanförnum árum. Miklir möguleikar til atvinnuuppbyggingar í Bolungarvík eru í sjónmáli og stöðugt skapast ný tækifæri til sóknar.