lock search attention facebook home linkedin twittter

Viltu ekki bara fara að grenja!

Meðfylgjandi er skuldabréfayfirlit vikunnar

Viltu ekki bara fara að grenja!  Verðbólguspá Capacent var fáránlega nett í desember og var rétt upp á annan aukastaf. Capacent spáði 0,27% hækkun en kynlífsblossinn virðist eitthvað hafa kólnað hjá hinum opinberu greiningardeildum.

Bravó fyrir mér! Þótt að meðaltali hafi verðbólguspá Capacent verið alveg rosalega rétt að þá voru einstaka undirliðir út og suður. Capacent spáði lítilsháttar lækkun á verði matvæla og fatnaðar en þvert á spá Capacent hækkuðu þessir liðir sem útskýrði frávik upp á tæplega 0,2% til hækkunar. Á móti kom að fasteignaliður vísitölu neysluverðs lækkaði þvert á spá sem útskýrði frávik upp á tæplega 0,25% til lækkunar.

Miklar mánaðarsveiflur í fasteignaverði: Miklar sveiflur geta verið í fasteignaverði milli mánaða. Þannig lækkaði fasteignaverð um 0,7% á höfuðborgarsvæðinu í nóvember en hækkaði um 0,8% í september. Síðastliðna 12 mánuði hefur fasteignaverð hækkað um 15%. Það getur verið villandi að horfa á 12 mánaða hækkun því mikil hækkun var á fasteignaverði fyrri hluta árs en mjög hefur dregið úr hækkuninni seinni hluta árs. Síðastliðna sex mánuði hefur hækkun fasteignaverðs verið 3,7% á ársgrunni líkt og sjá má á mynd 4. Þannig gefur 6 mánaða hækkun fasteignaverðs líklega besta mynd af stöðunni á fasteignamarkaði og gefur betri mynd en einstaka mánaða hækkanir eða hækkun fasteignaverðs síðastliðna 12 mánuði.

Við tollum vonandi saman: Capacent óskar viðskiptavinum gleðilegra jóla og farsældar á komandi ári. Við skulum fagna framtíðinni í glasúrskreyttum kauphöllum og fella eitt til tvö tár.

Skoða greiningu →