lock search attention facebook home linkedin twittter

Stingum af

Þegar úti er andvöku bjart og Seðlabankinn er í ham er gott að leita skjóls hjá litlum læk eða lítilli laut

Stingum af: Þegar úti er andvöku bjart og Seðlabankinn er í ham er gott að leita skjóls hjá litlum læk eða lítilli laut. Stystu óverðtryggðu flokkarnir vilja oft gleymast en verð RIKB16 er undir pari og ber 6% vexti sem eru til greiðslu í október og telst það góð ávöxtun, á aðeins 4 mánuðum, á flesta mælikvarða. Gengi RIKB17 er nærri 1% undir pari en vaxtagreiðslur bréfsins eru hins vegar ekki jafnaðlaðandi eða 5%. Bæði RIKB16 og RIKB17 eru á gjalddaga þegar að vænt „vaxtahækkunarferli“ ætti að vera í hámarki. Því ætti það að vera góður tími til að endurfjárfesta.
Sjaldséðir hvítir hrafnar: Ekki má heldur gleyma verðtryggðu flokkunum með ríkisábyrgð sem verða sífellt sjaldséðari eftir bankahrun, líkt og hvítir hrafnar eða verðbréfamiðlarar. Einnig eru verðtryggð sértryggð skuldabréf bankanna ágætis geymslustaður. Magn bréfanna er ekki mikið miðað við stærð bankanna enda líkjast þeir meira og meira sparigrísum heldur en fjármálastofnunum með eiginfjárhlutfall um 25%.

Skoða greiningu →