lock search attention facebook home linkedin twittter

Verð­bólguspá Capacent

Capacent spáir 0,6% hækkun vísi­tölu neyslu­verðs í febrúar.

Ársverð­bólga 0,6%

Capacent spáir 0,6% hækkun vísi­tölu neyslu­verðs í febrúar. Á sama tíma fyrir ári síðan hækkaði vísi­tala neyslu­verðs um 0,7% og lækkar því ársverð­bólgan úr 0,8% í 0,7%. Nokkur óvissa er til staðar sem liggur aðal­lega í hvernig mæling á verði flug­far­gjalda verður í mánuð­inum. Lausleg könnun bendir til að verð flug­far­gjalda hafi hækkað milli janúar og febrúar enda hefur verð á olíu hækkað um 15% frá lokum janúar. Hins vegar er gert ráð fyrir að sú lækkun sem gert var ráð fyrir í síðasta mánuði komi til móts við þá hækkun sem verð­könnun bendir til að hafi orðið milli janúar og febrúar. Gert er því ráð fyrir lækkun flug­far­gjalda sem nemur 7,5% sem hefur 0,12% áhrif á vísi­tölu neyslu­verðs til lækk­unar.

Umtals­verð verð­hjöðnun ef horft er framhjá húsnæð­is­verði

Ef spá Fjár­mála­ráð­gjafar Capacent gengur eftir er verð­bólgan þriðja mánuðinn í röð undir neðri mörkum verð­bólgu­mark­miðs Seðla­banka og heldur að lækka.  Ef horft er á vísi­tölu neyslu­verðs án húsnæðis var verð­hjöðnun sem nam 0,6% í janúar síðast­liðnum.

Hækkun olíu­verðs um 15% kemur fram í elds­neyt­is­verði

Annar liður sem hækkun olíu­verðs hefur áhrif á er elds­neyt­is­verð en það hefur hækkað um 2,5% samfara hækkun olíu­verðs en áhrif þess á vísi­tölu neyslu­verðs eru 0,1% til hækk­unar en ekki er gert ráð fyrir frekari hækkun elds­neyt­is­verðs en olíu­verð virðist heldur vera að dala síðustu daga.

Útsölulok

Hinum árlegu vetr­ar­út­sölum lauk nú um mánað­ar­mótin. Hækkun á verði fatn­aðar, húsgagna raftækja og annarra vara vegna útsölu­loka skila sér í um 0,5 til 0,6% hækkun vísi­tölu­neyslu­verðs. Aðrir veiga­miklir liðir sem hafa áhrif á vísi­tölu neyslu­verðs er matvæla­verð og húsnæð­isliður vísi­tölu neyslu­verðs. Ekki er gert ráð fyrir hækkun matvæla­verðs. Matvæla­verð hækkaði um 2,6% í síðasta mánuði og virðast því áhrif virð­is­auka­skatts­breyt­inga að mestu komnar inn í matvæla­verð þó ekki sé loku fyrir það skotið að lítils­háttar hækkun verði á matvæla­verði sem hefði óveruleg áhrif á vísi­tölu neyslu­verðs til hækk­unar.

Skoða greiningu →