lock search attention facebook home linkedin twittter

IKEA tekur forystu í verndun verð­stöð­ug­leika

Skuldabréfayfirlit Capacent - 3. vika, ágúst

IKEA sendi frá sér tilkynn­ingu í gærmorgun um að versl­unin lækki vöru­verð hjá sér um 2,8%.  Fyrir­tækið benti á að gengi krón­unnar hefur styrkst tölu­vert gagn­vart evru og að kjara­samn­ingar hafi reynst skap­legri en vænt­ingar stóðu til og því væri svigrúm til lækk­unar vöru­verðs.

Vextir lækka í kjölfar tilkynn­ingar IKEA

Í kjölfar tilkynn­ingar IKEA hresstust mark­aðir við og lækkaði ávöxt­un­ar­krafa óverð­tryggðra bréfa um 5 til 13 punkta og verð­tryggðra um 2 til 9 punkta. Viðbrögð skulda­bréfa­mark­aðar benda til vænt­inga um lægri verð­bólgu með lægra vaxta­stigi. Mark­aðs­að­ilar virðast því taka undir með IKEA. Verð­bólgu­álag til 9 ára er nú 3,84% en meðal­verð­bólgan síðustu 9 ár hefur verið 6%.  Rétt er að benda á, að til svo langs tíma eru hinar svokölluðu verð­bólgu­vænt­ingar að stórum hluta verð­bólgu­á­hætta. Ástæða þess er sú að fjár­festar eru til í að greiða álag fyrir öryggi sem fylgir verð­trygg­ingu og greiða því umfram verð fyrir verð­tryggð bréf. Vestan hafs er talið að verð­bólgu­á­hætta liggi milli 0,5 til 1 prósent en sveiflur í verð­bólgu þar eru mun minni en á Íslandi og má reikna með að álagið sé nokkuð hærra hér á landi.

Engir brjál­aðir ólíg­arkar bara brjáluð ávöxtun?

Stýri­vextir á Íslandi hækkuðu um hálft prósentu­stig í vikunni og jókst því vaxta­munur milli Íslands og nágranna­ríkj­anna. Ólíkt mark­aðs­vöxtum hafa stýri­vextir farið hækk­andi líkt og sjá má á mynd að neðan. Erlendir spákaup­menn líta hýru auga til íslensku vaxta­veisl­unnar líkt og lesa má um á Bloomberg frétta­vefnum.

Skoða greiningu →