lock search attention facebook home linkedin twittter

Verð­bólguspá Capacent fyrir október

Spáum óbreyttri vísi­tölu neyslu­verðs í október

Enn á verð­bólgan undir högg að sækja

Ef spá Capacent gengur eftir um óbreytta vísi­tölu neyslu­verðs (vnv) í október mun verð­bólgan lækka úr 1,9% í 1,8%. Verð­bólgan verður því enn vel undir verð­bólgu­mark­miði Seðla­bankans. Verð­bólgan hefur verið 20 mánuði samfellt undir verð­bólgu­mark­miði.  Síðustu 2 ár eru að verða eitt lengsta stöðug­leika­tímabil í verð­lags­málum seinni ára en sjá má verð­bólguna og verð­bólgu­markmið á mynd hér að neðan.

Olíu­verð hefur haldist stöðugt

Olíu­verð hefur að mestu verið óbreytt síðustu tvo mánuði. Verð díselolíu hefur einnig haldist óbreytt síðast­liðinn mánuð. Verð bensíns hefur hins vegar lækkað um 3% og gerum við ráð fyrir að áhrif lækk­un­ar­innar nemi 0,1% á vnv til lækk­unar. Samkvæmt mælingum okkar hafa flug­far­gjöld verið að lækka samfara komu haustsins. Við gerum ráð fyrir að lækkun flug­far­gjalda hafi um 0,1% áhrif á vnv til lækk­unar og að verð flug­far­gjalda lækki um 6% í október.

Mikil velta á fast­eigna­markaði gefur vísbend­ingar um vaxandi spennu á fast­eigna­markaði

Capacent gerir ráð fyrir hraust­legri hækkun á fast­eigna­verði eða um 1%.  Velta á fast­eigna­markaði hefur verið gríð­ar­mikil síðast­liðnar vikur eða  8,8 ma.kr. að meðal­tali á viku. Hækk­anir eru að öllu jöfnu mestar á þessum árstíma er fast­eigna­samn­ingum ágúst- og sept­em­ber­mán­aðar er þing­lýst. Hækkun fast­eigna­verðs leggur til rúmlega 0,15% til hækk­unar vnv í október samkvæmt spá.

Skoða greiningu →