lock search attention facebook home linkedin twittter

15 jan 2016

Verð­bólguspá fyrir janúar

Útlit fyrir hraustlega verðhjöðnun í janúar.

Verðbólguspár

Verðbólguspá – Janúar 2016

Verðbólgan á síðasta ári var sú lægsta í yfir 20 ár

Ef spá Capacent gengur eftir um 0,8% lækkun vísitölu neysluverðs (vnv) í janúar lækkar 12 mánaða verðbólgan úr 2,0% í 1,9%.  Verðbólga síðasta árs var 1,6% að meðaltali og þarf að fara aftur til ársins 1994 til að finna lægri verðbólgu. Á síðustu 60 árum hefur hefur verðbólgan tvisvar verið lægri, árið 1994 er verðbólgan var 1,5% og árið 1959 er verðbólgan var 1,3%.

Árlegar vetrarútsölur setja tóninn

Hinar árlegu vetrarútsölur vega þungt í verðmælingunni í janúar. Gert er ráð fyrir rúmlega 17,5% verðlækkun á fatnaði að þessu sinni sem hefur 0,84% áhrif á vnv til lækkunar.  Framangreind lækkun á fatnaði er litlu meiri en vanalega.  Afnám tolla af fatnaði mun líklega koma inn af meiri þunga í verð fatnaðar við útsölulok er nýjar vörur koma í hillurnar eftir jólin.
Auk fataútsala eru útsölur á húsbúnaði, raftækjum og húsgögnum alla jafna á þessum árstíma og er gert ráð fyrir að áhrif þeirra á vnv nemi um 0,1%.

Olían lækkar og lækkar

Tunnan af hráolíu er komin niður fyrir 31 dollar og hefur verðið lækkað um 20% frá því um miðjan desember. Verð á eldsneyti hefur staðið í stað frá miðjum desember og hefur lækkun olíuverðs komið í veg fyrir hækkun eldsneytisverðs vegna aukinna álaga ríkisins.  Capacent gerir ráð fyrir lítilsháttar lækkun eldsneytisverðs á næstu dögum sem hefur 0,04% áhrif á vnv til lækkunar.

Könnun Capacent á flugfargjöldum bendir til að lækkun flugfargjalda eftir hátíðarnar sé öllu minni en verið hefur.  Á móti kemur að hækkun flugfargjalda fyrir jól var minni en venjulega. Könnun okkar bendir til um 5% lækkunar sem hefur 0,08% áhrif á vnv til lækkunar.

Hækkun fasteignaverðs kemur í veg fyrir algjört hrun vísitölunnar

Gert er ráð fyrir að hækkun húsnæðisliða hafi um 0,15% áhrif á vnv til hækkunar.

Verðskrárhækkanir

Almennar verðskrárhækkanir eru algengar á þessum árstíma t.d. á tómstundum, líkamsrækt og annarri þjónustu líkt og t.d. tryggingum. Hver hækkun vegur sáralítið en samantekið er gert ráð fyrir að framangreindar hækkanir hafi 0,1% áhrif á vnv til hækkunar.

Höfundur