lock search attention facebook home linkedin twittter

22 jan 2016

Dapurt gengi á verð­bréfa­markaði eins og hjá hand­boltalands­liðinu

Fremur dapurt gengi hefur verið á skuldabréfamarkaði undanfarið líkt og á verðbréfamakaði í heild.

Skuldabréfayfirlit

Þó hefur verið að birta örlítið til síðustu daga og voru umtalsverðar hækkanir á skuldabréfamarkaði á fimmtudaginn. Gengi óverðtryggðra ríkisbréfa hefur lækkað um 0,3% að meðaltali síðastliðna viku. Gengi verðtryggðra bréfa er að meðaltali 0,5% lægra en fyrir viku síðan.  Fréttir sem hafa borist undanfarna viku ættu flestar að hafa jákvæð áhrif á skuldabréfamarkað og innlendan verðbréfamarkað.  Fyrir það fyrsta má nefna hækkun lánshæfismats Standard & Poor‘s á langtímaskuldbindingum ríkissjóðs úr BBB í BBB+. Einnig breyttum horfum úr óbreyttum í jákvæðar fyrir Arion og Íslandsbanka frá sama fyrirtæki. Fjármögnun ríkisins, bankanna og þ.a.l. innlendra fyrirtækja virðist því vera að vænkast.  Verðbólgan hefur haldist viðráðanleg síðustu mánuði og líkur á vaxtahækkun því nokkuð minni en í haust.

Skammtíma verðtryggð bréf góð langtíma fjárfesting

Framvirki verðtryggði vaxtaferilinn er enn nokkuð skarpt niðurhallandi þrátt fyrir umtalsverða lækkun ávöxtunarkröfu skammtíma verðtryggðra skuldabréfa á fimmtudaginn.  Skammtíma verðtryggð skuldabréf eru því mest aðlaðandi fyrir fjárfesta nú.

Íslenskur hlutabréfamarkaður er jafn alþjóðlegur og utanríkisstefna Norður-Kóreu

Þegar að markaðsaðilar hafa áttað sig á að samband íslensks hlutabréfamarkaðar við umheiminn er líkt og samband hans við Norður Kóreu ætti að draga úr hinni alþjóðlegu niðursveiflu á íslenskum hlutabréfamarkaði.  Áhrif lækkandi hlutabréfaverðs erlendis eru lítil á innlendan markað; i) Innlendir fjárfestar hafa ekki getað fjárfest erlendis í rúmlega 7 ár, ii)  Eign erlendra aðila í innlendum hlutafélögum er hlutfallslega lág iii) Skuldsett verðbréfakaup eru lítil sem engin á Íslandi, iv) Efnahagsleg niðursveifla í Asíu hefur helst áhrif á afkomu Marels og Össurar. Minni sala raftækja í Asíu ætti ekki að hafa áhrif á innlenda smásöluverslun, fasteignafélög eða tryggingarfélög. Frekar ætti lækkandi olíuverð að auka kaupmátt, lækka flutningskostnað aðfanga og gera ferðir til Draumalandsins ódýrari.

Skuldabréfayfirlit Capacent – Janúar, 2. vika

Höfundur