lock search attention facebook home linkedin twittter

04 mar 2014

Stjórnun og stefnu­mótun á Norð­ur­landi

Capacent býður til morgunfundar á Hótel Kea fimmtudaginn 13. mars frá kl. 10 - 12. Þar munu ráðgjafar Capacent flytja áhugaverð erindi sem tengjast stjórnun, stefnu og mannauði.

Hvernig stjórna Norðlendingar? // Jakobína Árnadóttir, ráðgjafi Capacent.

Jakobína fjallar um hvað skiptir máli í stjórnun og hvernig ná má hámarksárangri auk þess að fjalla um hvað fólki finnst um stjórnun á Norðurlandi.
Hvernig myndum við sameina Þór og KA? // Magnús Orri Schram, ráðgjafi Capacent.
Þar mun Magnús Orri fjalla um feril breytinga; hvort sem verið er að sameina fyrirtæki eða íþróttafélög, takast á við breytingar innan fyrirtækja eða þegar sótt er inná nýja markaði. Magnús kynnir niðurstöður úr könnun meðal Norðlendinga um hvort sameina eigi íþróttafélögin Þór og KA.
Mannauðsstjórnun fyrir lítil fyrirtæki // Ásta Bjarnadóttir, ráðgjafi Capacent.
Ásta fjallar um fimm helstu verkþætti mannauðsstjórnunar og hvernig lítil fyrirtæki og stofnanir geta virkjað almenna stjórnendur og forgangsraðað áhrifamiklum aðgerðum í mannauðsmálum, þannig að jákvæð áhrif aðgerða á frammistöðu, starfsánægju og árangur séu hámörkuð.
Áhugasamir eru vinsamlegast beðnir um að skrá sig í gegnum netfangið
thora.petursdottir@capacent.is fyrir 11. mars nk.

Höfundur