lock search attention facebook home linkedin twittter

„Set ég þristinn út!“

04. apr. 2017 kl. 08:30

Morgunfundur Stjórnvísi verður haldinn í húsnæði Capacent þriðjudaginn 4. apríl en þar fjallar Steinþór Þórðarson, ráðgjafi Capacent um Lean.

A3, eða þristar, gegna veigamiklu hlutverki í „Lean“ skipulagsheildum. Sumir sérfræðingar ganga svo lagt að halda því fram að þristarnir séu hjartað í Lean. Eru þeir ferli, skýrsla eða verkefnastjórnunartæki? Eru þeir kannski allt þetta og margt fleira til?
Steinþór mun fjalla um margvíslegt notagildi þristanna og þá almennu eiginleika sem gera þá að þessu notadrjúga áhaldi og rekur dæmi um notkun þeirra við ólík viðfangsefni frá stefnumótun til afmarkaðra umbótaverkefna.

Steinþór mun einnig ræða um sína reynslu af notkun þrista í margvíslegu umhverfi, bæði rótgrónu straumlínustjórnunarfyrirtæki og skipulagsheildum sem eru að stíga sín fyrstu skref.

Fund­urinn verður haldinn í húsa­kynnum Capacent, Ármúla 13. Húsið opnar kl. 8:00 og áætlað er að fund­urinn standi frá kl. 8:30 – 9:30. Boðið verður upp á léttar veit­ingar.

Hlökkum til að sjá ykkur,
Ráðgjafar Capacent

Nánari upplýsingar