lock search attention facebook home linkedin twittter

Getum ekki einu sinni yljað okkur við 16. sætið

Meðfylgjandi er skuldabréfayfirlit vikunnar

Sumarið sem aldrei kom: Hrímkalt vor, snjókoma í júní, óðaverðbólga, niðurgangur á hlutabréfamarkaði og ferðakamarinn kominn undir hamarinn. Horfið er nú sumarið og sólin…Svona gæti annáll sumarsins 2018 á verðbréfamarkaði hljóðað. Í það minnsta ef horft til viðbragða markaðarins við uppgjörum 1. ársfjórðungs.

Allar veislur taka einhvern tíman enda og var viðbúið að ferðamannasumrinu myndi senn ljúka. Erfitt er að sjá að ferðamannastraumurinn hafi mikil áhrif á félög eins og Marel, Össur, Granda, Origo, Eimskip eða tryggingarfélögin. Jafnvel mætti telja að samdráttur í komum ferðamanna hefði jákvæð áhrif á rekstur þessara félaga ef samdrættinum fylgdi gengisveiking. Samdráttur í komum ferðamanna mun hafa lítil eða takmörkuð áhrif á önnur félög eins og Haga og símafélögin. Til lengri tíma gætu áhrifin jafnvel verið jákvæð þar sem væntanlega mun draga úr framleiðsluspennu og spennu á vinnumarkaði. Að mati Capacent er íslenskur hlutabréfamarkaður heldur undirverðlagður og er verð íslenskra hlutafélaga fremur lágt miðað við sambærileg erlend félög. Verðlagning innlendra hlutafélaga er þó ákaflega misjöfn að mati Capacent og ekki raunhæft að setja sömu kennitölur á félög í „samskonar“ rekstri.

Getum ekki einu sinni yljað okkur við 16. sætið: Fjárfestar hafa ekki getað yljað sér á skuldabréfamarkaði að undanförnu og lækkaði gengi óverðtryggðra ríkisbréfa um 0,32% í síðustu viku. Gengi verðtryggðra íbúðabréfa stóð nær í stað í síðustu viku.

Er einhver að spá í stýrivexti? Capacent spáir óbreyttum vöxtum þann 16. maí, það þarf ekkert að ræða það meira. Næsti peningamálafundur verður væntanlega jafn spennandi og Júróvisíon.

Skoða greiningu →