lock search attention facebook home linkedin twittter

Kósý kvöld við Kambasel

Meðfylgjandi er skuldabréfayfirlit vikunnar

Kósý kvöld við Kambasel: Popplyktin fyllti angan, eftirvænting skein úr augum barnanna. Bein útsending Sjónvarpsins frá ársfundi Seðlabankans var að hefjast.

Það sem enginn sér: Það var ekki ræða Seðlabankastjóra sem börnin biðu eftir. Á útmánuðum sama ár hafði það vakið athygli og angist barnanna að þegar Bjarni Benediktsson fór aftur í fjármálaráðuneytið úr forsætisráðuneytinu urðu málefni Seðlabankans eftir í forsætisráðuneytinu sem Bjarni hafði flutt úr fjármálaráðuneytinu árinu áður. Það var því nýr seðlabankaráðherra sem stjórnaði shóvinu.

Rothögg í fyrstu lotu: Það stirndi af forsætisráðherra stjörnu kvöldsins er hún boðaði ný lög um bankann næsta haust. Hún sagði líka að nefnd um endurskoðun á ramma peningastefnunnar mundi ljúka störfum í júní og í kjölfarið yrðu gerðar nauðsynlegar breytingar á rammanum.

Svarthöfði að stígur til hliðar: Már Guðmundsson seðlabankastjóri hefur gefið það út að hann hlakki til að hætta á næsta ár. Það verður hlutverk forsætisráðherra Katrínar Jakobsdóttir að skipa eftirmann Más en ekki fjármálaráðherra Bjarna Benediktssonar. Hver eftirmaður Más verður er erfitt að fjölyrða um. Verður það kona?, Verður hann af vinstri væng eða hægri væng stjórnamálanna eða ópólitískur? Capacent iðar í skinninu eftir tilnefningunni, vorinu og Júróvisíon.

Ræða Seðlabankastjóra: Fátt nýtt kom fram í ræðu Seðlabankastjóra á ársfundinum sem hafði ekki komið fram áður. Greining glöggra barnanna reyndist því rétt. Bankinn undirstrikaði að ekki séu enn forsendur til að hefja lækkun hinnar sérstöku bindiskyldu á fjármagnsinnstreymi á skuldabréfamarkað og bætti Seðlabankastjóri frekar í frá Peningamálafundi í mars.

 

Gengi óverðtryggðra skuldabréfa lækkaði um 0,3% að meðaltali í síðasta viku og gengi verðtryggðra hækkaði um 0,15%.

Skoða greiningu →